Ushtria izraelite tha se nuk do të komentonte për objektiva specifikë kur u pyet për raportimet se dy zyrtarë iranianë që mund të përfshihen në negociata të ardhshme janë hequr nga lista e objektivave të saj, raporton CNN.

Ndërsa Pakistani po përpiqet të ndërmjetësojë bisedime paqeje midis Shteteve të Bashkuara dhe Iranit, një zyrtar pakistanez i paidentifikuar i tha agjencisë Reuters se ushtria izraelite ka koordinatat për të shënjestruar ministrin e Jashtëm iranian Abbas Aragchi dhe kryetarin e parlamentit Mohammad Baqer Qalibaf.

Por Islamabadi paralajmëroi administratën amerikane se nuk do të kishte “askënd tjetër me kë të bisedohej” nëse ata do të vriteshin, duke bërë që Izraeli gjithashtu të tërhiqej.

I pyetur për këto raportime të enjten, zëdhënësi ndërkombëtar i Forcave të Mbrojtjes së Izraelit, Nadav Shoshani, u përgjigj: “Ne kemi një proces rigoroz përpara çdo operacioni që kryejmë, çdo sulmi që kryejmë – ekspertë ligjorë, ekspertë të inteligjencës, ekspertë ajrorë, komandantë të lartë, dhe në raste me profil të lartë, natyrisht edhe niveli ynë politik”.

“Çdo objektiv i vetëm ka procesin e vet të miratimit dhe nuk do të hyj në objektiva specifikë të mundshëm”, shtoi Shoshani.