Gjatë ditës së sotme do të zhvillohen dy ndeshjet e fundit në kuadër të javës së dytë në Superligën e Kosovës në basketboll.

Kampionia në fuqi, Peja, do të synojë fitoren e dytë ndaj Proton Cable Prizrenit, shkruan Gazeta Express.

Pejanët në javën e parë triumfuan ndaj Vëllaznimit, ndërsa prizrenasit pësuan ndaj Sigal Prishtinës.

Ndeshja do të zhvillohet në palestrën "Sezai Surroi", me fillim prej orës 17:00.

Ndeshja e fundit e kësaj jave do të zhvillohet mes Golden Eagle Yllit dhe Istogut.

Therandasit në xhiron e parë pësuan humbje nga Bashkimi dhe synojnë që sonte të regjistrojnë fitoren e parë ndaj istogasve të "pa fuqishëm", që po luajnë për herë të parë në Superligë.

Kjo ndeshje do të zhvillohet në palestrën "13 Qershori", në ora 19:00. /Gazeta Express/