Jennifer Lopez dhe Ben Affleck duket se janë të vendosur të gjejnë një blerës për rezidencën e tyre luksoze në Beverly Hills, pasi e kanë rikthyer sërish në treg pas vetëm dy muajsh nga heqja nga lista publike.

Shtëpia madhështore, që shtrihet në 3,530 metra katrorë, tani ofrohet për 52 milionë dollarë, sipas raportimeve të TMZ.

Historia e pronës dhe çmimet

Çifti e kishte blerë këtë pronë në maj 2023 për 60,85 milionë dollarë, ndërsa vila përfshin:

Sallon sportiv dhe palestër të pajisur plotësisht

Ring boksi dhe fusha për basketboll dhe pickleball

Garazh për 12 makina

Penthouse për mysafirë prej 465 metra katrorë

Shtëpi për kujdestarët dhe godinë roje me dy dhoma gjumi

Çmimi i ri përfaqëson një ulje të konsiderueshme krahasuar me 59,95 milionë dollarë, sa ishin duke kërkuar në korrik 2024. Fillimisht, kur e nxorën pronën për herë të parë në korrik 2024, çifti kërkonte 68 milionë dollarë.

Jeta personale dhe vendimet për pronën

Revista PEOPLE raportoi në maj 2024 se Lopez dhe Affleck po jetonin veçmas. Burime pranë çiftit thanë se Affleck kishte larguar sendet e tij nga vila në qershor, ndërsa Lopez ndodhej në një udhëtim në Evropë.

Në atë kohë, çifti kishte tentuar ta shiste pronën “off-market”, një praktikë e zakonshme mes personazheve të famshëm që kërkojnë të ruajnë privatësinë.

Divorci dhe ceremonia

Lopez më pas paraqiti kërkesën për divorc nga Affleck në gusht 2024, më shumë se dy vjet pas martesës së tyre në Las Vegas në korrik 2022. Ceremonia u organizua në Gjeorgji, në prani të familjarëve dhe miqve më të afërt.

Kur çifti e kishte hequr shtëpinë nga tregu në korrik, një burim për PEOPLE kishte deklaruar se Lopez dhe Affleck po merrnin vendime për pronën së bashku, duke treguar se edhe pas ndarjes, ata ruajnë një marrëdhënie të koordinuar për pasuritë e tyre. /GazetaExpress/