Lille OSC po planifikon një lëvizje ambicioze për të nënshkruar me sulmuesin kolumbian Jhon Duran me huazim.

Sipas raportit të gazetarit Gianluca di Marzio, ish-sulmuesi i Aston Villas, i njohur për aftësinë e tij për të shënuar gola, pritet të forcojë opsionet e Bruno Genesio në sulm.

“Les Dogues” kanë nevojë urgjente për forca të reja në sulm, pasi Olivier Giroud ka 39 vjeç, ndërsa Hamza Igamane do të mungojë për një periudhë të gjatë pas dëmtimit të ligamentit kryesor të gjurit gjatë finales së AFCON-it.

Duran është dërguar me huazim te gjigantët e Superligës turke, Fenerbahce, nga klubi i tij Al-Nassr, i cili e bleu atë nga Aston Villa për një tarifë transferimi të raportuar prej 77 milionë eurosh një vit më parë.

Koordinatori sportiv i Lille, Sylvain Armand, konfirmoi sot në selinë e UEFA-s në Nyon se skuadra e Ligue 1 po punon intensivisht për të nënshkruar përforcime sulmuese para afatit të fundit të hënës.

Lille do të përballen me Lyon këtë të diel pasdite./GazetaExpress/