Ekipi kosovar në lojën elektronike, Counter Strike: Global Offensive, Bad News Eagles është vetëm dy fitore larg pjesëmarrjes në turneun e madh që zhvillohet në stadiumin “Camp Nou” në Barcelonë.
Ekipi nga Kosova po garon në kualifikimet e Flow FiReLEAGUE 2022 dhe është kualifikuar në gjysmëfinale, shkruan Gazeta Express.
Para dy ditësh, ata mposhtën ekipin For the Win 2:0 më map-a, ndërsa sonte e zhvillojnë ndeshjen gjysmëfinale.
Bad News Eagles do të përballen me ekipin Masonic rreth orës 19:00.
Turneu i Flow FiReLEAGUE 2022 Global Finals nis më 13 tetor dhe përfundon më 16 tetor dhe do të garojnë tetë ekipe.
Vendi i parë do t’i fitojë 100 mijë euro, kurse i dyti 30 mijë. /Gazeta Expres/
