Pas fitimit të Superkupës së Spanjës, Barcelona rikthehet në fushë në Kupën e Mbretit, ku të enjten përballet me Racing Santander në 1/8 e finales.

Trajneri Hansi Flick vlerësoi kundërshtarin, duke e cilësuar si “ekip të ri dhe të guximshëm”, ndërsa theksoi se Barça duhet të jetë e përgatitur për presionin në stadium.

Ai foli edhe për afrimin e ri, João Cancelo, duke thënë se është një lojtar që i jep skuadrës më shumë zgjidhje në fazën sulmuese dhe që mund të marrë disa minuta në këtë ndeshje.

Sa i përket portës dhe formacionit, Flick tha se vendimet përfundimtare do të merren në ditën e ndeshjes, ndërsa lavdëroi Joan Garcian për paraqitjen në finalen ndaj Real Madridit.

Barcelona synon kualifikimin, me Flick që pritet t’u japë hapësirë edhe disa lojtarëve të rinj dhe rezervë. /GazetaExpress