Presidenti amerikan Donald Trump mbajti sot (20 janar) një konferencë të jashtëzakonshme nga Shtëpia e Bardhë, ku preku tematikat kryesore nga aktualiteti politik në vend, siguria kombëtare, gjeopolitika, Forumi i Davosit dhe veçanërisht Groenlanda dhe Venezuela.
Ai vlerësoi lideren opozitare të Venezuelës, e cila i dërgoi edhe çmimin Nobel në Zyrën Ovale në takimin e pak ditëve më parë, duke thënë se ajo është grua e jashtëzakonshme.
“Po flasim me Machadon, ndoshta do të bëjmë diçka në Venezuelë me të. Një grua jashtëzakonisht e sjellshme bëri gjithashtu diçka shumë të pabesueshme. Po flasim me të dhe ndoshta mund ta përfshijmë në një farë mënyre. Maria… Ndoshta mund ta bëjmë këtë”, u shpreh ai.
Dhe duke folur për vendin amerikano-latin, shtoi:
“Dikur e urreja Venezuelën, por sot e dua”.
SHBA ka arrestuar presidentin venezuelian Nicolas Maduro dy javë më parë, në një operacion të jashtëzakonshëm.
Ai fajëson somalezët dhe vendin e tyre “i cili është më i keqi në botë, nuk është as një vend”.
Trump dhuroi kartolina me ‘më të këqijtë e të këqijve’ të Minesotës, ndërsa i referohet kriminelëve dhe fajëson ish-presidentin “Joe Bidenin që fle” dhe politikat e tij.
“Më shumë se 10,000 arrestime janë bërë në Minesota që nga vrasja e gruas së pafat dhe protestat që pasuan”, tha ai.
Ai përmend në mënyrë të veçantë luftën kundër drogës dhe arritjet gjatë një viti si president, duke theksuar se ka vendosur paqen dhe mbajti NATO-n të bashkuar, pasi pa të ajo do ishte shpërbërë.
Megjithatë, deri më tani, presidenti amerikan duket se po e mban politikën e jashtme larg vijave të para. Vëmendja e tij mbetet e përqendruar në çështjet e brendshme, me theks në imazhin e kontrollit dhe qëndrueshmërisë që ai kërkon të kultivojë.
Kurse për ekonominë, ai u shpreh:
“Ne korrigjuam staglacionin që ekzistonte nën Bidenin, tregu i aksioneve po ecën shumë mirë, shumë para janë derdhur në ekonomi”. /Panorama
