Anthony Joshua do të përballet me Robert Helenius në O2 Arena” të Londrës këtë të shtunë, një ditë pasi boksieri finlandez u konfirmua si zëvendësues i Dillian Whyte.

Joshua pritej të përballet me britanikun Whyte, por ky meç u anulua pas testit të dopingut që iu nënshtrua ai, njofton “The Guardian”, përcjell “Gazeta Express”.

Më pas ishte një luftë kundër kohës dhe 72 orë pasi dështoi në test Whyte, Helenius iu përgjigj thirrjeve të promotorëve.

Ish-kampioni i botës e respekton kundërshtarin e së shtunës, por që kërkon fitore në këtë meç.

Joshua po punon që t’i jepet prapë rasti për të luftuar për titull të kampionit botëror. /Gazeta Express/