Anthony Joshua ia ka bërë të qartë Tyson Fury-t se, nëse ai dëshiron të jetë boksieri numër një në botë, atëherë duhet të futet në ring për të luftuar kundër tij.
Britania e Madhe i mban të gjithë titujt e botës në kategorinë e rëndë, pasi Fury e shpall kampion i ri i botës në WBC kur e rrahu me nokaut Deontay Wilderin në shkurt, ndërkohë që Joshua i mban titujt e tjerë në WBA, IBF dhe WBO, pas triumfit me pikë ndaj Andy Ruiz Jr në dhjetor, transmeton Gazeta Express.
Duke folur për Sky Sports, Joshua tha se Fury nuk mund të pretendojë se është boksieri numër një në botë pa u rrahur me të.
“Po, eja dhe lufto kundër meje”, i bëri thirrje Joshua bashkatdhetarit të vet Fury.
“Çfarë do të dëshmojë lufta mes meje dhe tij? Do të dëshmojë se do të jetë vetëm një figurë dominuese në divizionin e peshave të rënda i cili do t’i zotërojë të gjithë brezat dhe do të bëhet kampion i padiskutueshëm”, shtoi Joshua.
“Nëse vërtet dëshiron të thuash se je numër një, atëherë eja dhe rrihu me mua. Ta bëjmë këtë. Ka kuptim sepse unë i zotëroj brezat tjerë”, theksoi ai. /Gazeta Express/
