Ylli i Real Madridit, Jude Bellingham, ka përdorur rrjetet sociale për të dhënë përgjigjen e tij ndaj barazimit zhgënjyes të klubit me Rayo Vallecano.

Los Blancos sapo kishin humbur pikë në La Liga për herë të dytë këtë sezon.

Pas udhëtimit në Vallecas për të përballuar Rayon, skuadra e Xabi Alonos u detyrua të mjaftohej me një pikë, duke mos arritur të thyente mbrojtjen e fortë të kundërshtarëve.

Jude Bellingham luajti nga minuta e parë në mesfushë, por nuk arriti të realizonte momentin e tij të zakonshëm fitues për Real Madridin. Megjithatë, ai vendosi të dërgonte një mesazh inkurajimi dhe pozitiviteti.

Në llogarinë e tij zyrtare në Instagram pas ndeshjes, Bellingham shkroi:

“Gjithmonë e vështirë në Vallecas, por marrim pikën dhe ecim përpara. Duhet të qëndrojmë të bashkuar dhe të përgatitemi për një seri tjetër ndeshjesh të vështira pas pushimit. Hala Madrid.”/GazetaExpress/