Raportimet në Itali pretendojnë se Juventusi mund të synojë një transferim të mesfushorit të Manchester Unitedit, Manuel Ugarte, këtë verë, dhe se “Zonja e Vjetër” do ta ndjekë nga afër uruguaianin në ndeshjen miqësore kundër Algjerisë në “Allianz Stadium” të martën në mbrëmje.

Sipas “Gazzetta dello Sport”, Ugarte është një mesfushor që Juventusi e ndjek prej vitesh, që nga koha kur ai luante te Sporting CP.

Raporti i së hënës thekson se “Bianconerët” kanë bërë disa përpjekje për ta sjellë në Torino, si gjatë kohës së tij te Paris Saint-Germain, ashtu edhe te Manchester Unitedi.

Interesi vazhdon, dhe sipas gazetës italiane, Juventusi mund të bëjë një lëvizje për mesfushorin e Uruguait gjatë kësaj vere, sidomos nëse Teun Koopmeiners largohet gjatë afatit kalimtar veror.

Ndërkohë, Galatasaray thuhet se është i interesuar për Koopmeiners dhe gjithashtu po e konsideron Ugarten si një opsion alternativ.

Juventusi do të ketë mundësinë ta vëzhgojë nga afër Ugarten kur ai dhe bashkëlojtarët e tij të zbresin në fushën e “Allianz Stadium” për miqësoren kundër Algjerisë të martën në mbrëmje.

Drejtori i Juventusit, Marco Ottolini, pritet të jetë i pranishëm dhe do ta ndjekë nga afër 24-vjeçarin, i cili i kushtoi Manchester Unitedit rreth 50 milionë euro dy vera më parë./GazetaExpress/