Kampionia e Kosovës në futboll, Drita e Gjilanit, ka arritur të sigurojnë kualifikimin në raundin e dytë të Ligës së Kampioneve pasi kanë eliminuar Differdange nga Luksemburgu.

Kjo është hera e parë që një skuadër nga Kosova arrin një sukses të tillë.

Ky rezultat bëri që ekipi i portalit “Open-TV” të vizitojë bardhekaltrit në një seancë stërvitore përpara ndeshjes së dytë eliminatore ndaj gjigantit danez, Copenhagen.

Në intervistat për Open-TV, trajneri Zekirja Ramadani, futbollisti Arb Manaj dhe drejtori sportive, Valon Zymberi janë shprehur të lumtur me këtë sukses, ndërsa kanë theksuar se ndoshta ka ardhur koha që për Dritën të flitet edhe në Europë.

Në videon e mëposhtme do të mund të ndiqni intervistat me emrat e sipërpërmendur.