Deputetet e Kuvendit të Kosovës, Blerta Deliu – Kodra, Time Kadriaj dhe Lirie Kajtazi kanë rënë pre e kamerës së fshehtë në emisioin Frontal në T7.

Deliu, deputete e PDK-së është ftuar si mysafire për të diskutuar rreth rolit të grave në Kuvendin e Kosovës, por në ndërkohë redaksia ka marrë vesh për një takim të kryesisë së partisë.

Gjatë emisionit, përmes një lidhje direkte me Avni Bytyqin, këshilltar i Kadri Veselit, Deliu merr lajmin se e kanë larguar nga partia. Deliu nuk e din se është kamerë e fshehtë, prandaj në orën 17:00 në Frontal do ta kuptoni edhe reagimin e saj.

Në të njejtën situatë është gjendur edhe deputeteja e AAK-së, Time Kadriaj, e cila përmes kolegut të saj, Ramsim Selmanajt merr vesh se për shkak të reformave në parti, kryesia e ka larguar. Reagimi i Times flet shumë edhe për karakterin e saj.

Kurse në situatë me sfiduese ka qenë deputetja e LDK-së, Lirie Kajtazi e cila gjatë bisedës në studio, përmes një lidhje live, e ka kuptuar se policia ka gjetur armë dhe drogë në veturës e saj.

Për me keq, Kajtazi e sheh edhe arrestimin e bashkëshortit të saj nga polcia, pa e ditur se e tëra është kamere e fshehtë.

Shikoni emisionin frontal prej orës 17:00 për të parë reagimin e deputeteve përballë situatave të pakëndueshme.

 Po ashtu gjatë Frontalit Festiv do të keni mundësi, që pos informacioneve, të shihni edhe momente gazmore që kanë përgatitur gazetarët e T7./GazetaExpress/