Harry Kane vazhdon të mbetet pa trofe, njëjtë si Anglia e tij.

Kapiteni i “Tre Luanëve” e ka komentuar humbjen e tij me shokë në finale të Euro 2024 nga Spanja, ndërsa dukej i mërzitur dhe i dërrmuar pasi e humbi finalen e dytë radhazi të Europianit me anglezët.

“Është e vështirë ta përshkruash me fjalë se si ndihemi në këtë moment. Ishte një ndeshje e vështirë, ishim në gjendje të ktheheshim në lojë, por hasën në vështirësi të vazhdonim të ndërtonim. Të pësosh gol në fund është me të vërtet e vështirë që ta pranosh”, deklaroi sulmuesi i Bayern Munichut për “ITV”, përcjell “Gazeta Express”.

“Kemi bërë përmbysje gjatë tërë kampionatit, por në këtë ndeshje nuk e bëmë hapim pasues për të fituar. Në pjesën e parë kemi hasur në vështirësi. Nuk mund të arrinim ta merrnim posedimin. Pjesa e dytë ishte më e mirë dhe kemi shënuar. U bëfasuam nga një harkim dhe ky ishte fundi”, vazhdoi ish-futbollisti i Tottenhamit.

“Është një mundësi e humbur. Nuk është e lehtë të arrish në kësi finale. Duhet ta shfrytëzosh rastin kur të të vijë dhe ne nuk e bëmë këtë sërish. Na vjen ekstremisht keq dhe kjo do të na lëndojë shumë gjatë. Të gjithë dëshironim të fitonim”, përfundoi Kane, i cili nuk e ka fituar asnjë trofe në karrierë deri tash. /Gazeta Express/