Situata te Lazio është përshkallëzuar në kaos të plotë pas publikimit të një videoje ku presidenti Claudio Lotito fajësonte Maurizio Sarrin për largimin e disa lojtarëve.

Trajneri italian reagoi menjëherë, duke mohuar çdo konflikt me skuadrën dhe duke zbuluar se një lojtar kishte ardhur në zyrën e tij duke qarë për shkak të largimit të detyruar.

Sarri pranoi se pakënaqësi individuale janë normale në një ekip me 25 lojtarë, por theksoi se largimet nuk lidhen me raportin e tij me grupin. Ndërkohë, merkatoja e janarit ka goditur rëndë Lazion, me shitjen e lojtarëve kyç si Guendouzi dhe Castellanos, ndërsa Romagnoli është pranë largimit.

Sarri paralajmëroi se humbja e mbrojtësit do të sillte pasoja serioze në prapavijë.

Deklarata më tronditëse e trajnerit ishte ulja drastike e objektivave për sezonin, duke pranuar hapur se Lazio tani synon vetëm shmangien e rënies nga kategoria, pasi ëndrra për Evropën është zbehur pas largimit të lojtarëve të rëndësishëm. /GazetaExpress