E diela është e rezervuar për ndeshjen e dytë të serisë finale së “Play Off”-it, mes Pejës e Trepçës.

Ndeshja e dytë do të zhvillohet në palestrën sportive "Karagaçi", nga ora 17:00, shkruan Gazeta Express.

Klubi i Pejës, përmes një njoftimi në faqen zyrtare, ka bërë të ditur se shitja e biletave për këtë përballje do të fillojë nesër (e shtunë), nga ora 10:00.

Biletat do të shiten në dyqanin zyrtar të klubit pejan, teksa çmimi i një bilete është 3 euro.

Kujtojmë se Trepça po udhëheq në këtë seri finale 1:0, pasi triumfoi në ndeshjen e parë të zhvilluar të mërkurën, në palstrën "Minatori". /Gazeta Express/