Amerikani Nate Grimes, 26 vjeçar, i cili luan në pozitat 4 dhe 5, është transferi më i ri i KB Prishtinës.
Ai ka luajtur në elitat e shteteve si: Izrael, Gjermani, Belgjikë dhe Finlandë.
Grimes gjatë gjithë karrierës ka luajtur me dyshifror të dyfishtë pikësh & kërcimesh.
Është lojtar dominant si në sulm si në mbrojtje. Në NCAA ka luajtur për skuadrën Fresno State me mesatare 11.4 pikë dhe 10.2 kërcime.
Karrierën profesionale e filloi tek skuadra elitare finlandeze, Kobrat. Në vitin 2021 u transferua tek nënkampioni belg, Kangoeroes Basket ku ka luajtur me mesatare prej 18.0 pikësh dhe 11.9 kërcimesh dhe në të njëjtin sezon ka luajtur edhe për skuadrën e njohur gjermane BG Göttingen.
Së fundmi ishte pjesë e ekipit të Superligës së Izraelit, Hapoel Eilat.
