Pekini tha të enjten se ideja se Kina paraqet një kërcënim për Grenlandën është “krejtësisht e pabazë”, duke iu përgjigjur raportimeve se NATO dhe presidenti amerikan Donald Trump kanë diskutuar për mbajtjen larg të Kinës dhe Rusisë nga sigurimi i një pranie në territorin arktik.

“Kërcënimi i ashtuquajtur ‘kinez’ është krejtësisht i pabazë, dhe Kina kundërshton praktikën e përdorimit të Kinës si pretekst për ndjekjen e interesave egoiste”, tha zëdhënësi i ministrisë së Jashtme, Guo Jiakun, në një konferencë të rregullt për shtyp, shkruan CNN.

Në një aktivitet në Davos, kreu i NATO-s Mark Rutte tha se ai dhe Trump kanë diskutuar se si vendet e NATO-s mund të “sigurojnë kolektivisht që Arktiku të mbetet i sigurt [dhe] që rusët dhe kinezët të qëndrojnë jashtë”.