Ish-mesfushori i Manchester City, Kevin De Bruyne, do të jetë në qendër të vëmendjes kur klubi i tij i ri, Napoli, zbret në “Etihad Stadium” për ndeshjen hapëse të Grupit të UEFA Champions League.
Manchester City shpreson që fitorja 3-0 në derbin kundër Manchester United të dielën të shënojë rikthimin në formën e tyre më të mirë pas një fillimi të ngadalshëm sezoni, duke ofruar një shtysë besimi për nisjen e sezonit në Champions League.
Cityzens fituan këtë kompeticion në sezonin 2022/23, por zhgënjyen sezonin e kaluar, duke dalë nga faza e grupeve dhe humbur pesë nga shtatë ndeshjet e fundit në këtë nivel, më shumë së sa kishin humbur në 61 ndeshjet e mëparshme.
Trajneri Pep Guardiola do të nisë kampanjën e tij të 17-të në UCL, duke u përballur me një rekord të rrallë negativ ndaj Antonio Conte.
Kjo mund të inkurajojë më tej kampionët aktualë të Serie A, Napoli, të cilët kanë nisur sezonin me tre fitore në kampionat, përfshirë një sukses të bukur 3-1 në Fiorentina të shtunën, ku De Bruyne dhe Rasmus Højlund (të ardhur këtë verë nga klubet angleze) shënuan golat e tyre të parë.
Napoli kthehet në Champions League pas një mungese sezonin e kaluar, dhe përvoja e Conte në stol do të jetë vendimtare teksa ai drejton ekipin e tij të pestë në këtë kompeticion.
Historia përballjesh
Manchester City ka një avantazh të vogël në katër përballjet e mëparshme (dy fitore, një barazim dhe një humbje), të gjitha në fazën e grupeve të UCL, ndërsa Napoli kurrë nuk ka fituar në një ndeshje evropiane jashtë në Angli (tri barazime, nëntë humbje).
Statistika dhe tendenca
Tre nga katër ndeshjet e Manchester City këtë sezon panë gola midis minutës 30 dhe 40.
Në gjashtë nga shtatë ndeshjet e fundit të City në UCL, të dy ekipet kanë shënuar.
Napoli nuk ka fituar në katër ndeshjet e fundit jashtë fushe të luajtura të enjten.
Pesë ndeshjet e fundit të Napoli në UCL prodhuan një numër të barabartë golash.
Lojtarët kyç dhe mungesat
Phil Foden hapi rezultatin për Manchester City të dielën, dhe të tre golat e tij në UCL sezonin e kaluar erdhën gjithashtu brenda 20 minutave të para – dy prej tyre ishin edhe golat hapës. De Bruyne, që ka regjistruar rekord klubi me 25 asistime në UCL për Manchester City, rikthehet në formë të shkëlqyer me gjashtë contribute në pesë ndeshje këtë sezon në sezon..
Manchester City nuk ka shqetësime të reja për lëndime, ndërsa Rayan Cherki dhe Omar Marmoush mungojnë.
Te Napoli, Nikita Contini, Romelu Lukaku dhe Amir Rrahmani munguan në ndeshjen e së shtunës. /GazetaExpress/
Formacionet zyrtare:
Your City team to face Napoli 🩵
XI | Donnarumma, Khusanov, Dias, Gvardiol, O’Reilly, Rodri, Bernardo (C), Reijnders, Foden, Doku, Haaland
SUBS | Trafford, Bettenelli, Ake, Nico, Savinho, Nunes, Bobb, Mukasa, Lewis, Mfuni pic.twitter.com/LNCKwpawV5
Manchester City
Napoli: Milinkovic-Savic; Di Lorenzo, Beukema, Buongiorno, Spinazzola; Lobotka; Politano, Anguissa, De Bruyne, McTominay; Hojlund
Bankë: Meret, Ferrante, Gutierrez, Juan Jesus, Gilmour, Neres, Olivera, Elmas, Vergara, Lucca, Ambrosino, Lang
Ndeshja zhvillohet në Etihad Stadium në Manchester të Anglisë
