Legjenda e UFC-së, Khabib Nurmagomedov ishte i ftuar nderi i finales së madhe së Ligës së Kampionëve, që u luajt mbrëmë në Mynih të Gjermanisë.
PSG-ja e shkatërroi Interin në këtë finale, duke fituar 5-0, madje duke thyer rekord, si fitorja më e madhe e arritur, që nga ribrendimi i Ligës së Kampionëve më 1992.
Gjatë festës së PSG-së, pas ndeshjes, Khabib u fut në fushë, dhe duke bërë një fotografi, ai e shfrytëzoi rastin të ngacmojë trajnerin e klubit parisien, Luis Enriquen.
“Një, dy, tre, Hala Madrid!”, tha Khabib gjatë atij momenti, i cili shkaktoi të qeshura.
Luis Enrique ishte lojtar i Barcelonës, e po ashtu edhe trajner, madje e kishte fituar edhe Tripletën me klubin blaugranas në sezonin 2014/15.
Për disa sezone, po ashtu ishte pjesë e Real Madridit, nga ku edhe kaloi te Barcelona./GazetaExpress/
