Manchester United kanë marrë një shtysë të rëndësishme në ndjekjen e një objektivi tjetër kryesor pasi kanë arritur marrëveshje për Benjamin Sesko.

Pas përfundimit të sezonit në vendin e 15-të në Premier League dhe humbjes në finalen e Europa League ndaj Spurs, United nuk kanë humbur kohë për të forcuar skuadrën, duke sjellë Diego Leon, Matheus Cunha dhe Bryan Mbeumo.

Por Ruben Amorim ka qenë i vendosur të sjellë një sulmues të ri dhe “Djajtë e Kuq” kanë arritur të mposhtin Newcastle në garën për firmën e sulmuesit të RB Leipzig, Benjamin Sesko, duke paguar një shumë fillestare prej 66 milionë £ plus 7.3 milionë £ në bonuse të bazuara në performancë.

Pa u mjaftuar me kaq, United kanë kontaktuar gjithashtu Brighton për të eksploruar mundësinë e transferimit të mesfushorit Carlos Baleba.

Për më tepër, ata vazhdojnë të lidhen me portierin e Paris Saint-Germain dhe Italisë, Gianluigi Donnarumma.

Donnarumma ishte një figurë kyçe në fitoren e trefishtë të jashtëzakonshme të PSG-së, e cila përfshiu edhe triumfin e tyre të parë historik në Champions League.

Pritet që ai të fitojë për herë të dytë Trofeun Yashin 2025 pas paraqitjeve të tij të shkëlqyera mes shtyllave, por nuk ka arritur të bjerë dakord për një kontratë të re në “Parc des Princes”.

Kontrata e tij aktuale me PSG skadon në fund të sezonit 2025/26 dhe, sipas Ben Jacobs, atij nuk do t’i ofrohen kushte të reja.

PSG tashmë ka zëvendësuesin e Donnarummas

Kjo do të thotë se Donnarumma mund të largohet këtë verë – ose të ikë falas pas një viti kur bëhet lojtar i lirë.

Paraqitjet jo bindëse të Andre Onanës në dy sezone kanë bërë që United të lidhet me një portier të ri, me Donnarumman si kandidatin kryesor.

PSG nuk do ta lërë të largohet për më pak se 30 milionë € por klubi tashmë ka vepruar për të sjellë një portier të ri.

Sipas Fabrizio Romano, PSG ka përfunduar marrëveshjen për të transferuar Lucas Chevalier nga Lille.

Francezi ka firmosur një kontratë pesëvjeçare dhe është gati t’i nënshtrohet vizitave mjekësore, me Lille që merr një tarifë prej 40 milionë € për lojtarin që ka dalë nga akademia e tyre dhe është bërë portieri numër 1 i klubit.

Donnarumma u bashkua me PSG-në si lojtar i lirë në vitin 2021 dhe ka luajtur 161 ndeshje në të gjitha garat. /GazetaExpress/