Real Madrid dhe Barcelona rrallëherë përballen direkt për transferime këto ditë, por kur ndodh, zakonisht ka të bëjë me “wonderkids” në ngritje. Neymar Junior dhe Vinicius Junior janë shembuj të mirë, por sot shumë klube skautojnë të njëjtat talente kryesore.

Ky është rasti i Kees Smit. Mesfushori holandez ka marrë shumë vlerësime pas paraqitjeve të tij në kampionatin U19 të Europës ku Holanda fitoi titullin, si dhe për performancat e tij me skuadrën e parë të AZ Alkmaar. Megjithatë, nuk janë vetëm Real Madrid dhe Barcelona që po e ndjekin.

Pavarësisht interesit nga Manchester United dhe Chelsea, DM (përmes ESPN) raporton se klubi më i interesuar për të bërë një lëvizje për Smit është Crystal Palace. Kur Real Madrid u përfol për një mesfushor, një nga emrat e përmendur ishte Smit, por një tjetër ishte Adam Wharton, që luan për Palace. Meqë klubi londinez pret më shumë interes për Wharton në të ardhmen, Smit mund të jetë zëvendësimi i tyre. Ndryshe nga Real Madrid dhe Barcelona, Crystal Palace mund t’i ofrojë atij lojë në ekipin e parë që tani.

Në fillim të verës, Smit pranoi se kishte interes nga gjigantët e Spanjës, por tha se po e prioritizonte zhvillimin e tij te Alkmaar përpara se të bënte një ndryshim të madh. Kjo mund t’i shkojë në favor Palace-it, pasi ata konkurrojnë me katër nga klubet më të mëdha në Evropë dhe ndoshta më shumë, nëse Smit do të preferojë premtimin për minutazh në fushë mbi famën dhe paratë.

Një transferim në Premier League do t’i siguronte këto të fundit, por Smit do të duhej të luftonte për vend në një mesfushë tashmë të ngarkuar në rast se do të shkonte në Barcelona ose Real Madrid. Edhe pse Los Blancos ndoshta kanë më shumë nevojë për një profil si ai i tij, ata ende përpiqen të përshtatin Eduardo Camavinga, Fede Valverde, Arda Güler, Jude Bellingham dhe Aurélien Tchouaméni në vetëm tre pozicione./GazetaExpress/