Pas humbjes së Real Madrid ndaj Barcelonës në Superkupën e Spanjës, Xabi Alonso u shkarkua menjëherë dhe vendi i tij u mor nga Alvaro Arbeloa.
Megjithatë, analiza tregon se legjenda madrilene nuk ishte një trajner i keq, por thjesht njeriu i gabuar për stilin e lojës së Los Blancos, i bazuar mbi talentin individual të lojtarëve.
Sipas Diario AS, Alonso tashmë është kontaktuar nga Liverpool, që e shohin si kandidat të mundshëm për drejtimin e ekipit në Anfield. Trajneri i njohur ka kaluar pothuajse pesë vite te Liverpool si lojtar dhe pritet të pritet mirë nga klubi anglez, ku gjithashtu ka më shumë gjasa të ketë sukses se sa në Madrid.
Aktualisht, Alonso po merr një pushim, por është i gatshëm të rikthehet në stol. Liverpool ka kërkuar nga ai një përgjigje nëse mund të konsiderohet kandidat për sezonin e ardhshëm 2026-27 ose për afatin e afërt.
Trajneri aktual i Liverpool, Arne Slot, ka performuar larg pritshmërive për investimin e bërë nga klubi, gjë që lë dyshime mbi vazhdimësinë e tij në post. Kjo mund të hapë derën për rikthimin e Xabi Alonsos në një nga klubet më të mëdha të Premier League. /GazetaExpress
