PSV Eindhoven ka ndërmarrë hapa të shpejtë për të siguruar qëndrimin e Ivan Perisic, duke qenë të vetëdijshëm për interesimin e FC Barcelonës, me Hansi Flick tashmë në krye të skuadrës katalanase. Klubi holandez i ka propozuar kroatit një rinovim dyvjeçar, me qëllim që ta blindojë para se Barcelona të veprojë.

Perisic, 36 vjeç, sapo ka përfunduar një sezon të shkëlqyer në Eredivisie, me 16 gola dhe 11 asistime në 35 ndeshje, duke u bërë një nga lojtarët më vendimtarë të kampionëve holandezë. Ai shihet si një përforcim i vlefshëm për krahun e djathtë të sulmit të Barcelonës, veçanërisht si alternativë për të riun Lamine Yamal. Trajneri Flick e vlerëson për përvojën, fleksibilitetin dhe aftësinë për të prishur balancat në fushë – elementë që mund të balancojnë skuadrën e re të Barcelonës.

Sipas Mundo Deportivo, megjithëse nuk ka ende lëvizje konkrete nga Barça, Perisic mbetet pjesë e planeve të trajnerit gjerman, me të cilin ka një marrëdhënie shumë të mirë dhe është i gatshëm të presë një telefonatë nga Camp Nou. Kjo e bën të paqartë të ardhmen e tij, ndërkohë që PSV kërkon të mos e humbasë pa asnjë përfitim ekonomik.

Oferta e PSV-së nuk është vetëm sportive, por edhe strategjike – për të mos lejuar që një prej lojtarëve më vendimtarë të kalojë te një gjigant europian si agjent i lirë. Po ashtu, një vend titullari në Holandë mund të jetë vendimtar për ëndrrën e Perisic për të qenë pjesë e Kroacisë në Kupën e Botës 2026.

Për Barcelonën, kjo konsiderohet si një mundësi interesante në treg: Perisic është lojtar i lirë dhe paga e tij përputhet me kufizimet aktuale financiare të klubit. Gara ka nisur, por PSV nuk ka ndërmend të dorëzohet lehtë./GazetaExpress/