Komuna e Prishtinës ka bërë të ditur se sot në mëngjes, Inspeksioni do të rrënojë një mbi-ndërtim pa leje.

Me anë të një ftese për media, Komuna e Prishtinës paralajmëron se rrënimi i këtij mbindërtimi do të filloj nga ora 09:45.

“Nesër, në ora 09:45, Drejtoria e Inspekcionit do të fillojë rrënimin e një mbindërtimi pa leje në qendër të qytetit. Me mediat takohemi në rrugën “Fehmi Agani”, pranë Qendrës Kryesore të Mjekësisë Familjare.”, njofton Komuna e Prishtinës.

Kujtojmë se vetëm gjatë vitit 2018, rreth 46 mijë ndërtime pa leje janë regjistruar vetëm në kryeqytet.