Kongresmeni amerikan, Mike Turner, në një intervistë për Balkan Debrief ka folur për rajonin e Ballkanit Perëndimor dhe për involvimin e SHBA-së dhe administratës aktuale për zgjidhjen e disa problemeve në rajon, shkruan Gazeta Express.

Turner ka thënë se SHBA-ja s’është larguar nga rajoni, por s’ka qenë aktive dhe se kjo administratë dëshiron vërtetë që të aktivizohet për të zgjidhur disa çështje në rajon të cilat mund të rezultojnë në konflikte. Sipas tij, kjo është shumë pozitive.

“Ne s’jemi larguar, por në të njëjtën kohë s’kemi qenë aktiv. Kjo administratë dëshiron që të jetë aktive në zgjidhjen e disa çështjeve që mund të rezultojnë në konflikte. Kjo është shumë pozitive. Sepse sapo kemi pasur 30 vjetorin e marrëveshjes së Dejtonit”, ka thënë ai, raporton Express.

Turner ka thënë se SHBA duhet të marrë hapin e radhës për të parë mundësitë për të ndihmuar rajonin për të ecur përpara.

“Por ka pasur edhe ngecje në rajon.Duhet të marrim hapin e radhës, për të parë se cilat janë mënyrat që mund të ndihmojmë komunitetet në rajon për të lëvizur përpara”, ka thënë ai./GazetaExpress/