Në Gjermani është hedhur shorti për parakualifikimet e Eurobasket 2025

Kosova i ka mësuar sot emrat e kundërshtarëve në parakualifikimet e Eurobasket 2025. Shorti është hedhur në Gjermani dhe “Dardanët” kanë përfunduar në grup me ta janë Norvegjia dhe Danimarka, njofton Federata e Basketbollit të Kosovës, përcjell Gazeta Express.

Gjithsej në këtë short ishin dhjetë shtete, ku në një grup janë katër kombëtare dhe në dy grupet tjera nga tri. Kombëtaret lidere do të kualifikohen në rrethin e ardhshëm, si dhe vendi i dytë më i mirë nga të tri grupet.

Në grupin me katër shtete, vendit të dytë nuk do t’i llogariten rezultatet nga ndeshjet me vendin e fundit. Kosova do të zhvillojë dy ndeshje në shtëpi dhe dy si mysafire. Takimet zhvillohen në dritaret në 25-28 Nëntor 2021, 24-27 Shkurt 2022 dhe 30 Qershor-3 Korrik 2022. /Gazeta Express/