Kosova nuk ka mundur t'i arrijë kualifikimet e Eurobasket 2025.
"Dardanët" në duelin shumë të rëndësishëm ndaj Danimarkës në parakualifikime pësuan humbje të thellë me rezultat 63:88.
Dëmi më i madh te Kosova u bë në dy çerekët e parë dhe më pas tanët nuk arritën të rikuperonin asgjë.
Madje, Dardan Berisha u përjashtua nga loja ende pa përfunduar pjesa e parë.
Kapiteni u ndëshkua me dy teknike, çka bëri që ai ta lërë parketin.
Kësisoj, Kosova i mbyll kualifikimet me dy fitore ndaj Zvicrës dhe dy humbje ndaj Danimarkës.
