Kombëtarja e Kosovës në hendboll do të kërkojë rezultat pozitiv sonte në Sllovaki, në ndeshjen e vlefshme për fazën e parë kualifikuese të Botërorit 2025.
“Dardanët” e kanë marrë rrugën drejt tokës sllovake të martën, ndërsa pasi janë sistemuar atje, kanë ushtruar të martën dhe të mërkurën.
E sonte, nga ora 18:00 ata do të zbresin në parket me synim fitoren, shkruan “Gazeta Express”.
Sipas Federatës së Hendbollit të Kosovës, atmosfera në Kombëtare, përkundër mungesave të rëndësishme, është e shkëlqyer.
Lojtarët kanë shfaqur përkushtim në punë dhe të motivuar i kanë kryer të gjitha detyrat e selektorit Bujar Qerimi.
Në ndeshjen e sontme do të mungojë kapiteni Valon Dedaj, që nuk është liruar nga vendi i punës.
Por, Dedaj dhe Bujar Ramosaj pritet të jenë të gatshëm për ndeshjen e së dielës.
Kosova synon të kalojë tutje nga faza e parë kualifikuese
Verdhekaltrit u grumbulluan nga e hëna duke i zhvilluar dy stërvitje në Pallatin e Rinisë në Prishtinë. /Gazeta Express/
