Operator  Sistemi, Transmisioni dhe Tregu (KOSST), ka njoftuar se është stabilizuar gjendja në sistem pas rritjes së prodhimit në KEK.

Kosova po përballet me reduktime të rrepta të energjisë.

KOSTT ka thënë se mungesat e furnizimit nga KESCO janë plotësuar nga KEK me hyrjen në operim të bllokut B2, duke kontribuar në stabilitetin e furnizimit dhe ruajtjen e integritetit të sistemit, si dhe duke mundësuar ndërprerjen e kufizimit të ngarkesës.

Njoftimi i plotë:

𝐒𝐭𝐚𝐛𝐢𝐥𝐢𝐳𝐨𝐡𝐞𝐭 𝐠𝐣𝐞𝐧𝐝𝐣𝐚 𝐧ë 𝐬𝐢𝐬𝐭𝐞𝐦 𝐩𝐚𝐬 𝐫𝐫𝐢𝐭𝐣𝐣𝐞𝐬 𝐬ë 𝐩𝐫𝐨𝐝𝐡𝐢𝐦𝐢𝐭 𝐯𝐞𝐧𝐝𝐨𝐫 𝐧𝐠𝐚 𝐊𝐄𝐊

KOSTT njofton se gjendja në sistemin elektroenergjetik është stabilizuar pas masave të koordinuara për balancimin e ngarkesës dhe përmirësimin e furnizimit me energji elektrike.

Mungesat e furnizimit nga KESCO janë plotësuar nga KEK me hyrjen në operim të bllokut B2, duke kontribuar në stabilitetin e furnizimit dhe ruajtjen e integritetit të sistemit, si dhe duke mundësuar ndërprerjen e kufizimit të ngarkesës (reduktimeve).

KOSTT u bën thirrje të gjitha palëve në treg të respektojnë rregulloret dhe të sillen me përgjegjësi, për të siguruar operim të qëndrueshëm dhe të sigurt të rrjetit.

KOSTT mbetet në gatishmëri dhe do të vazhdojë monitorimin e sistemit, duke ndërmarrë masat e nevojshme sipas kompetencave ligjore.