Përfaqësuesi i Lartë i BE-së, Josep Borell, pas takimit me presidentin Hashim Thaçi, ka takuar në një tryezë të përbashkët edhe të gjithë liderët e partive politike në vend, përjashtuar Kadri Veselin, i cili ka bojkotuar një takim të tillë.

Përmes një komunikate për media të lëshuar nga LDK-ja, thuhet se Mustafa e ka njoftuar shefin e diplomacisë së BE-së me zhvillimet në vend dhe ia ka bërë të qarta qëndrimet e LDK-së edhe në raport me dialogun Kosovë-Serbi.

Gjithashtu Mustafa thuhet se ka diskutuar me Borrellin edhe për prioritetet e LDK-së si zhvillimi ekonomik, shteti ligjor, rritja e punësimit, rritja e investimeve të huaja direkte, zhvillimi i arsimit dhe shëndetësisë etj.

Në fund sikurse të gjithë krerët e partive, Mustafa përmes Borellit u ka bërë thirrje institucioneve të BE-së që të përshpejtojnë procesin e liberalizimit të vizave që qytetarët e Kosovës ta realizojnë të drejtën e tyre për lëvizje të lirë. /GazetaExpress/