Ish-superylli i Real Madridit, Toni Kroos, ka folur hapur për atë që, sipas tij, po mungon te skuadra aktuale e Los Blancos nën drejtimin e Xabi Alonsos.
Alonso u emërua menjëherë si zëvendësues i Carlo Ancelottit në fund të majit dhe u përfshi menjëherë në sfidat e FIFA Club World Cup.
Klubi tashmë ka mbështetur Alonso-n në merkato duke sjellë lojtarë si Trent Alexander-Arnold nga Liverpool dhe Dean Huijsen nga Bournemouth.
Gjithashtu, lojtari argjentinas Franco Mastantuono pritet të bashkohet me Realin kur të mbushë 18 vjeç në gusht, ndërsa priten edhe emra të tjerë.
Kroos dhe Alonso kurrë nuk kanë luajtur bashkë në Madrid, pasi në 2014 Kroos u transferua te Real Madrid ndërsa Alonso u largua nga Bayern Munich.
Pas pensionimit të tij verën e kaluar, Kroos është bërë një zë i hapur për Real Madridin dhe është i qartë për atë që mungon aktualisht në skuadër:
“Akoma u mungon një profil si i imi, ata ende e kërkojnë atë. Nuk ka shumë lojtarë të tillë, dhe ata që janë, nuk janë të lehtë për t’u marrë,” tha ai për Gazzetta dello Sport, duke iu referuar Mundo Deportivo.
“Është tepër herët për të gjykuar Real Madridin e Xabi Alonsos. Duhet kohë për të vlerësuar ndryshimet dhe implementimin e ideve të tij.
Jam i sigurt që Xabi e di si t’i korrigjojë gjërat, sepse ka gjëra që duhet të ndryshojnë, sepse me kaq shumë cilësi – gjërat duhet të ecin mirë.”
Në këtë moment, përgjigja duket se është jo, bazuar në disa faktorë.
Mbrojtja shihet si fusha kryesore ku Alonso dëshiron të forcohet, me Alvaro Carreras nga Benfica që mbetet objektivi kryesor, pavarësisht performancës së mirë të Fran Garcia në SHBA.
Florentino Perez thuhet se ka bllokuar përpjekjet e Alonsos për të sjellë Martin Zubimendi – i cili tani ka përfunduar tek Arsenal – dhe klubi i tij i vjetër mund të mos marrë parasysh këshillat e Kroosit.
Pra, edhe pse projekti i Alonsos është në fillimet e tij, është e qartë se disa elemente kyçe mungojnë për të bërë Real Madridin të arrijë nivelet e pritshme./GazetaExpress/
