Kryetari i Komunës së Mitrovicës së Jugut, Faton Peci ishte në lidhje direkte sot në emisionin Kosova Live në T7.

Peci ishte i pranishëm në stadium për ndeshjen Sllovaki - Kosovë dhe ndau momente nga festa e madhe dhe emocionet që përjetuan ata nga afër.

E një postim i kryetarit të Prishtinës, Përparim Rama në rrjete sociale pati reagime të shumta.

Ai publikoi foto me zyrtarët shtetërorë duke shkruar: Qiti paret kryeministër, teksa iu referua premisë prej 500 mijë eurosh që Qeveria e Kosovës kishte premtuar për "Dardanët" në rast se e kalojnë Sllovakinë.

Lidhur me këtë çështje, i pari i Mitrovicës së Jugut tha se ngacmimi i Ramës ishte në frymën e festës.