Kryesia e LDK-së ka vizituar Familjen Rugova, me rastin e 14-vjetorit të vdekjes së presidentit historik, Ibrahim Rugova.

Anëtari i kryesisë së LDK-së, Skender Hyseni, deklaroi se po të mos ishte kontributi i Rugovës, as ky vend nuk do të ekzistonte. Siç tha ai, këtë do ta bënte vetëm ai dhe askush tjetër.

“Garantoj përjetësisht që po të mos ishte Ibrahim Rugova ky vend nuk do të ishte. Tri ditë para fillimit të bombardimeve të NATO-s është nënshkruar marrëveshja e Rambujesë dhe kemi qenë në Han të Elezit, i cili gjendej në gjendje fantazme. Këtë do ta bënte një njëri si Ibrahim Rugova dhe askush tjetër. Është kënaqësi dhe moment kujtese që të gjithë brezat ta rikujtojnë. Njeri i dashur e i afërt me njerëzit. E përkujtojmë me mall përjetësisht, malli nuk shuhet”, ka thënë Hyseni.