Kryeprokurori i Prizrenit, Petrit Kryeziu, tha se sot kanë ftuar 121 persona, nga të cilët 109 janë ndaluar, 5-6 janë liruar, ndërsa ka të tjerë që nuk i janë përgjigjur ftesës së prokurorisë.

Për këtë të fundit, ai tha se mund të jenë edhe jashtë vendit, por se do të jenë në kërkim të tyre.

“Në ditën e sotme kemi ftuar 121, një pjesë e tyre janë të pafajshëm. Ne s’jemi të interesuar që të merremi me askënd prej atyre që janë të pafajshëm. Por, jemi të interesuar aty ku ka prova të veprojmë. Është një pjesë që kemi vepruar ndaj atyre që kanë qenë të identifikuar përderisa jemi duke punuar edhe për të tjerë në pozicione të ndryshme, por këta janë kryesisht komisionerë”.

Kryeziu konfirmoi se në mes të të ndaluarve ka edhe familjarë të kandidatëve për deputetë.

“Ka edhe që janë familjarë. Për ata që kemi pasë informata dhe ka vendime për ndalim”./Express/