Xheneta Fetahu është bërë sot pjesë e “Big Brother VIP 4”, por vetëm për pak kohë

Ish-e dashura e Gjestit është bërë pjesë e sfidës që Vëllai i Madh ka për banorët, të cilët nuk duhet të reagojnë ndaj gjërave të reja që ndodhin në shtëpinë më të famshme në Shqipëri.

Në momentin që Xheneta hyri, Gjesti ishte në gjumë në lavanderi. Por fillmisht ajo shkoi jashtë ku ishin banorët dhe Ola e prishi sfidën pasi reagoi duke i dhënë dorën dhe duke e pyetur se si është. Më pas banorja i thotë Xhenetës që t’i tregojë shtëpinë.

Fetahu shkon te lavanderia ku ishte Gjesti, i cili u habit kur e pa atë në lavanderi.

“Besoj se dikë e kam mësuar që të pastrojë rroba”, tha Xheneta duke ngacmuar Gjestin. Teksa ky i fundit po qeshte me Rozanën, ajo ia bën “mos qeshni, mos qeshni”.

Ndërsa teksa po shëtiste nëpër shtëpinë më të famshme në Shqipëri, Xheneta u shpreh:

“A këtu janë bërë të gjitha thashethemet për mua? Ku janë ata që më quajnë mua dhunuese? A nuk kanë guxim me ardhë me mi thënë gjërat në sy?”.