Trajneri i xhudos, Driton Kuka ka konfirmuar se Federata e Xhudos së Kosovës është duke përpunuar një plan interesant.
Federata e xhudos drejtohet nga vëllai i Dritonit, Agron Kuka.
Andaj, Driton Kuka ka bërë me dije se Federata po përpunon një plan t'i ndihmojë xhudistëve në stërvitje gjatë kësaj periudhe pandemie.
Postimi i Kukes ne FB:
Evidentimi i mundësive për stërvitje gjatë pandemisë ...
Federata e xhudos gjatë periudhës 04-18 Maj do përpunoj një plan i cili në vija të trasha do duket kështu :
18 Maj - 02 Qershor
- Lejimi i stërvitjeve në ambient të hapur
- Numri i garuesve të jetë deri 10 persona
- Stërvitjet të jenë me vetëm një trener
- Grupi të jetë fiks me emra të përveçëm
- Stërvitjet të jenë pa kontakt dhe me distancë që i përmbush kriteret e distancimit social
Prej 02 Qershor e më tutje
Lejimi i stërvitjeve edhe në palestra
- Numri i garuesve të jetë deri në 10 persona
- Të fillohet stërvitja me një partner fillimisht
- Grupi të jetë me emra të përveçëm nga stërvitjet e filluara me 18 Maj në ambient të hapur
Pas këtyre masave deri në një afat tjetër e duke përcjellur gjendjen të avancohet me lehtësime tjera!
Palestra të ketë gjysëm ore pauzë në mes grupeve që të merren masa dezinfektuese
Kjo formë do ringjallte klubet sepse pauza shumë e gjatë mund të reflektoj negativisht deri edhe në humbjen e garuesve por edhe mbyllje të klubeve!
Të avancojmë përpara me strategji për dalje nga situata e krijuar!
