Kryeministri i Kosovës, njëherësh kryetar i Lëvizjes Vetëvendosje, Albin Kurti, pritet të takohet sot me kryetarin e Lidhjes Demokratike të Kosovës, Lumir Abdixhiku.
Siç mëson KosovaPress, takimi pritet të zhvillohet në objektin qeveritar në orën 14:00.
Temë kryesore e këtij takimi pritet të jetë zgjedhja e presidentit të vendit, derisa afatet kushtetuese po afrohen.
Zgjedhja e presidentit të vendit duhet të bëhet deri më datën 4 mars, pasi presidentes aktuale, Vjosa Osmani, i skadon mandati më 4 prill 2026. Kushtetuta e thotë që presidenti duhet të zgjidhet një muaj para përfundimit të mandatit të presidentit.
