Kandidati për kryeministër i Lëvizjes Vetëvendosje, Albin Kurti, ka kërkuar mbajtjen e seancës plenare, në të cilën do të dilte në votim Qeveria e tij.
Kurti ka kërkuar që seanca të mbahet me 3 shkurt, një ditë para skadimit të afatit kushtetues që ai ka për formimin e Qeverisë.
Kërkesën për seancë Kurti ia ka dorëzuar Kuvendit, kryesia e të cilit mblidhet nesër.
Nuk dihet nëse Kurti ka folur me LDK’në para kërkesës për Qeveri, megjithatë kreu i LDK’së, Isa Mustafa ka thënë sot se nuk ka biseduar më me Kurtin, që nga takimi i fundit të martën në Kuvend, ku dolën pa marrëveshje. /Express/
