Lëvizja Vetëvendosje ka publikuar letrën që sot Albin Kurti i ka nisur Isa Mustafës, kreut të LDK-së, raporton Gazeta Express.

Në këtë letër, Kurti ka kërkuar nga i pari i Lidhjes Demokratike të Kosovës që të vazhdojnë bisedimet për koalicion, duke deklaruar se LV-ja bujarisht iu ka ofruar më shumë se gjysmën e qeverisë, sipas ofertës së fundit ku ndarja bëhet 6+5.

Ai tutje ka thënë se janë pajtuar edhe për presidentin, ani pse sipas Kurtit kjo çështje nuk është fare urgjente, e që për të nuk është garuar në zgjedhje.

“Nuk mundemi tash t’i delegjitimojmë institucionet demokratike me ujdi monarkësh. Zgjedhja e Konjufcës ishte legale dhe legjitime”, ka shkruar ndër të tjerash Kurti, duke ia bërë të qartë Mustafës se nuk negociojnë më me këtë pjesë./GazetaExpress/