Një nga emrat që ka marrë më shumë vëmendje në këtë edicion të “Big Brother VIP Kosova 4” është pa dyshim Dolce.
Ndonëse, modelja 30-vjeçare është përkujdesur që të mbajë sekret çdo gjë nga jeta e saj personale dhe e kaluara, Insajderi ka kuptuar se emri i vërtetë i saj është Valerja Xhekaj.
Modelja, e cila komentohet gjerësisht për pamjen e saj joshëse dhe stilin provokues, është bërë menjëherë një nga vajzat më të pëlqyera të sezonit.
Por, shumë pak dihet për të. Madje me emrin e saj të vërtetë nuk është gjetur asnjë gjurmë në Internet. Duket se ajo është përkujdesur mirë që t’i fshinte të gjitha arkivat se si është dukur në të kaluarën.
Që prej hyrjes në shtëpi, Dolce ka qenë në qendër të vëmendjes, veçanërisht për romancën e saj të re me banorin Eduard Kuçi.
