Dy persona rreth orës 14:00 dje derisa po bënin hiking në fshatin Strazhë të Kaçanikut me disa turistë, u ndanë nga grupi dhe u zhdukën për disa orë të tëra.
Deri vonë kishin kontakt me telefon me grupin, por më vonë iu ndërpre kontakti.
Në orën 18:00 Policia e Kosovës është njoftuar me rastin, derisa i menjëhershëm ka qenë reagimi i tyre bashkë me FSK-në e rojet e pyllit, çka për Reporteri.net tregoi edhe zëdhënësi i Policisë së Kosovës për rajonin e Ferizajt, Agim Gashi.
Dy personat, një femër dhe një mashkull u gjetën pas disa orësh nga drejtori i klubit “Alpin Prishtina”.
Por kush ishte më meritori për gjetjen e dy personave?
Agim Luta, roje në malet e Sharrit, është heroi i ditës, pasi ai gjeti dy personat e zhdukur.
