Sipas raporteve më të fundit, sulmuesi i talentuar kosovar Fisnik Asllani ka fituar besimin e stafit teknik të Hoffenheim dhe pritet të mbetet pjesë kyçe e skuadrës për sezonin 2025/26.

Klubi gjerman e konsideron atë si një element të rëndësishëm në planet e tyre afatgjata dhe shpreson që ai të zhvillojë më tej potencialin e tij në Bundesliga.

Asllani, 22-vjeçar, u bashkua me Hoffenheim në vitin 2023 dhe që atëherë ka treguar paraqitje premtuese, duke shënuar gola të rëndësishëm dhe duke ofruar asistime në dy periudha si i huazuar tek Austria Vienna dhe Elversbergu.  

Përveç rolit të tij në skuadër, ai ka marrë ftesa edhe nga kombëtarja e Kosovës, ku vazhdon të jetë një nga lojtarët më të shquar.

Hoffenheim po punon për ta mbajtur Asllanin larg ofertave nga klube të tjera, pasi talenti i tij ka filluar të tërheqë vëmendjen e disa skuadrave më të mëdha në Europë./GazetaExpress/