Ish-lojtari legjendar i Reds, Kevin Keegan, që shënoi 100 gola në 323 paraqitje gjatë një periudhe gjashtëvjeçare në Anfield, ku fitoi disa trofe me këtë klub, duke përfshirë tre tituj lige, një Kupë Evropiane, dy Kupa UEFA dhe një Kupë FA, është shtruar në spital.

Familja e ish-sulmuesit të Anglisë, Kevin Keegan, 74 vjeç, fitues dy herë i “Topit të Artë”, ka bërë një njoftim tronditës:

"Kevin u shtrua së fundmi në spital për analiza të mëtejshme në lidhje me simptomat e vazhdueshme të barkut", tha familja në një deklaratë.

Në deklaratën e mbrëmshme, familja Keegan vazhdon:

“Këto analiza kanë zbuluar një diagnozë të kancerit, për të cilën Kevin do t’i nënshtrohet trajtimit.

Kevin është mirënjohës ndaj ekipit mjekësor për ndërhyrjen dhe kujdesin e vazhdueshëm. Gjatë kësaj kohe, familja kërkon privatësi dhe nuk do të bëjë komente të mëtejshme.”

Karriera e Keegan si lojtar e pa atë gjithashtu të përfaqësonte Scunthorpe United, Hamburgun, Southampton, Newcastle United, dhe më pas ai u bë trajner, duke marrë drejtimin e Magpies dy herë, si dhe të Fulham, kombëtaren e Anglisë dhe Manchester City, përcjell Dosja.

I gjithë komuniteti i futbollit në Angli, i dërgojnë urimet më të mira Kevinit, familjes dhe miqve të tij.