Anësori i Barcelonës ka ambicie të mëdha dhe beson se është “një lojtar i aftë për t’i arritur ato.”

Lamine Yamal dha një përgjigje plot besim kur u pyet nëse ëndërron të fitojë një Top të Artë.

Barcelona e ka nisur sezonin e ri në Spanjë me dy fitore dhe një barazim, duke shënuar shtatë gola kundër Mallorcës, Levantes dhe Rayo Vallecanos.

18-vjeçari Yamal ka shënuar dy prej tyre dhe ka asistuar për dy të tjerë, ndërsa me Spanjën u përfshi drejtpërdrejt në tre nga nëntë golat gjatë ndeshjeve ndërkombëtare të shtatorit.

Ka qenë një fillim sezoni produktiv si për lojtarin, klubin, ashtu edhe për kombëtaren. Yamal është i fokusuar për trofe në të gjitha frontet.

Kampioni i Europës, Spanja, synon të shtojë një tjetër Kupë Bote në Amerikën e Veriut verën e ardhshme, ndërsa Barcelona ka ambicie të mbrojë titullin në ligë dhe të ketë një paraqitje më të mirë në Ligën e Kampionëve sesa sezonin e kaluar.

Yamal gjithashtu synon edhe çmime individuale dhe nuk ngurron ta thotë hapur.

Në një episod të ardhshëm të podcast-it Resonancia de Corazon me gazetarin spanjoll Jose Ramon de la Morena, adoleshenti i talentuar tregoi hapur dëshirën e tij për arritje personale.

“Unë nuk ëndërroj të fitoj vetëm një Top të Artë, por ëndërroj të fitoj shumë prej tyre,” tha Yamal.

“Besoj se jam një lojtar i aftë për ta arritur këtë, dhe nëse nuk e arrij, do të jetë sepse nuk i kam bërë gjërat siç duhet, jo sepse nuk e kam dashur.

“Kështu që, ëndërroj të kem shumë prej tyre, dhe kur të vijë dita që ta fitoj, do të jem shumë i lumtur, por do të vazhdoj të fitoj edhe më shumë, së bashku me ekipin tim e gjithçka tjetër.”

Nuk ka arsye për të dyshuar se Yamal ka të paktën një Top të Artë në të ardhmen. Ai do të bëhej lojtari i shtatë i Barcelonës që e fiton këtë trofe.

Më i fundit dhe më i suksesshmi ndër ta ishte Lionel Messi, i cili fitoi gjashtë nga tetë Topat e tij të Artë si lojtar i Barcelonës mes viteve 2009 dhe 2019, përpara se të fitonte sërish si futbollist i Paris Saint-Germain dhe Inter Miamit.

Nomimet për Topin e Artë 2025

Yamal është një nga 30 lojtarët e nominuar për Topin e Artë në kategorinë e meshkujve, që do të ndahet në Paris më 22 shtator.

Mes të nominuarve janë gjithashtu shoku i tij te Barcelona dhe kombëtarja Pedri, si dhe Fabian Ruiz i PSG-së.

Edhe Raphinha dhe Robert Lewandowski të Barcelonës janë pjesë e listës, së bashku me ish-sulmuesin e katalanasve, Ousmane Dembele, i cili shihet si favoriti kryesor për çmimin e vitit 2025 pas suksesit me PSG-në në Ligën e Kampionëve sezonin e kaluar. /GazetaExpress/