Lamine Yamal ka qenë një zbulim i vërtetë që nga debutimi i tij me Barcelonën në moshën vetëm 15-vjeçare, në prill të vitit 2023. Në dy vjet e gjysmë që nga ajo kohë, ai është zhvilluar në një nga futbollistët më të mirë në botë dhe po bëhet gjithnjë e më i njohur në skenën globale.

Ditëve të fundit, emisioni i CBS “60 Minutes” ka biseduar me Lamine Yamal për disa tema. Superylli i Barcelonës u pyet për aftësitë e tij mahnitëse të driblimit dhe sa e vështirë është për mbrojtësit të përballen me të.

“Nëse do të isha mbrojtës i krahut, nuk do të më pëlqente që një lojtar shumë më i mirë se unë të më ikte vazhdimisht. Do t’i thosha: ‘Të lutem, ngadalso pak’, përndryshe shokët e mi do të bënin meme për mua.”

Gjatë gjashtë muajve të fundit ka pasur gjithnjë e më shumë vëmendje ndaj jetës personale të Lamine Yamalit, dhe ai pranoi se të qenit kaq i njohur e ka kufizuar në disa raste. Megjithatë, ai nuk do të ndryshonte shumë gjëra.

“E vërteta është se të gjithë thonë jo. Të gjithë në rrethin tim thonë jo për çdo gjë. Nëse dua të dal: jo. Nëse them se dua të shkoj të ha diçka jashtë: jo. Pyetja duhet të jetë: ‘Kë dëgjon?’ – Nënën time.

“Në fund, një djalë 18-vjeçar del nga shkolla dhe shkon në shtëpi. Unë shkoj në stërvitje, ndërsa katër paparacë qëndrojnë para shtëpisë time duke më bërë pyetje për jetën time. E ndez TV-n dhe jam në TV. Ec në rrugë dhe shoh një fëmijë me fanellën time. Dua të dal për të pirë diçka, por nuk mundem sepse njerëzit do të më ndalin. Por nuk më pengon të jem yll – sinqerisht, jo. Përkundrazi, më pëlqen.”

Ai u pyet gjithashtu për Lionel Messin dhe veçanërisht për krahasimet mes tyre.

“Ai është më i miri në histori. Ne të dy e dimë që unë nuk dua të jem Messi, dhe Messi e di që unë nuk dua të jem ai. Dua të ndjek rrugën time, dhe kaq.”