Lamine Yamal, sulmuesi i ri magjik i FC Barcelonws, po bëhet një nga talentet më domethënëse në futbollin botëror, pavarësisht moshës vetëm 18-vjeçare.

Ai ka vazhduar të vendosë rekorde historike, duke tejkaluar emra si Lionel Messi dhe Kylian Mbappé në disa statistika impresionuese, shkruan “Gazeta Express”.

Rekordi i Champions League

Në Ligën e Kampionëve, Yamal arriti një tjetër rekord historik. Ai ka 14 kontribute direkte në gola (7 gola dhe 7 asistime) para moshës 19 vjeç, shifër që e vendos atë si lojtarin më të mirë në histori të Champions League për moshën 18 vjeç ose më pak. Kjo statistikë e kalon rekordin e mëparshëm që mbahej nga Kylian Mbappé (13 kontribute) në këtë kategori.

Më i riu në historinë e Barcelonës që arrin 40 gola

Lamine Yamal gjithashtu hyri në historinë e FC Barcelonws si lojtari më i ri i klubit që i shënon 40 gola në të gjitha kompeticionet – rekord që sfidon edhe statistikat e legjendave si Lionel Messi në moshë të njëjtë.

Statistika dhe ndikim në nivele të ndryshme

Ai është gjithashtu një nga golashënuesit më të mirë nën 19 vjeç në pesë ligat kryesore evropiane, duke lënë pas emra të mëdhenj si Mbappé dhe të tjerë në renditje për numrin e golave të shënuar para moshës 19 vjeç.

Karrierë e shkurtër, por me histori

Akademia e La Masia e Barcelonaws e rriti Yamal që nga shumë i ri, dhe ai u bë relativisht shpejt element kyç i formacionit të klubit.

Ndërkohë që pritet që me kohë të shtojë edhe më shumë rekordet e tij, ai tashmë konsiderohet një nga talentet më të mëdha të futbollit modern. /Gazeta Express