Presidenti i Barcelonës, Joan Laporta, është thellësisht i shqetësuar nga largimi i talentit të ri Dro drejt Paris Saint-Germainit. Kreu i klubit katalanas beson se ky transferim dërgon një mesazh të gabuar te lojtarët e akademisë së famshme La Masia dhe mund të krijojë një precedent të rrezikshëm për të ardhmen.

Sipas Laportës, kalime të tilla të motivuara kryesisht nga aspekti financiar mund të nxisin edhe talente të tjera të rinj që të zgjedhin largimin nga klubi, duke vënë në pikëpyetje modelin sportiv të Barcelonës. Ky model është ndërtuar mbi zhvillimin e lojtarëve përmes burimeve të veta dhe besimit te akademia, që ndër vite ka prodhuar emra të mëdhenj të futbollit botëror.

Frika kryesore e drejtuesve të Barcelonës është se një largim i talenteve të rinj do të minonte identitetin dhe vizionin afatgjatë të klubit, i cili gjithmonë ka pasur në qendër filozofinë e formimit të lojtarëve brenda shtëpisë.

Barcelona tashmë pritet të marrë masa për të mbrojtur La Masian dhe për të siguruar që talentet e saj të ardhshme të shohin Camp Noun (Spotify Camp Nou) si destinacionin ideal për zhvillimin dhe suksesin e tyre profesional. /GazetaExpress