Xhudistja kosovare, Laurinë Gashi, ka arritur një sukses të jashtëzakonshëm në “Podgorica Junior European Cup 2025”, duke kaluar në finale të kësaj gare prestigjioze.
Gashi ka treguar teknikë të shkëlqyer dhe vendosmëri të lartë në tatami, duke mposhtur kroaten Valentina Zivkovic me një Ippon, dhe kështu siguroi vendin e saj në finalen e këtij kompeticioni të rëndësishëm.
Në finale, Laurinë do të përballet me Libi Becker nga Izraeli, një sfidë që pritet të jetë shumë interesante dhe e ngushtë, shkruan Gazeta Express.
Ndërkohë, Arba Hasanaj po garon për medaljen e bronztë në “Millenium Team Cadet European Cup 2025” në Selanik, Greqi. Arba ka shënuar një fitore të madhe në çerekfinale, duke mundur kroaten Vita Hudika me Ippon. Megjithatë, në gjysmëfinale ajo humbi me Ippon nga Viktorija Ragauskaite e Lituanisë. Tani, Arba do të ndeshet me Ieva Jonusaite nga Lituania për të luftuar për medaljen e bronztë. /GazetaExpress/
