Crespo ka këshilluar Martinezin që të refuzojë Barcelonën dhe të qëndrojë në Inter për t’u zhvilluar edhe më shumë si lojtar

Në një intervistë për 'La Gazzetta dello Sport', ish-lojtari argjentinas, Hernán Crespo, tha se bashkëkombësi i tij, Lautaro Martínez, duhet të qëndrojë në Inter "të paktën tre vjet" më shumë, për t’u zhvilluar si lojtar para se të shkojë në një klub të madh, transmeton Gazeta Express.

Lautaro ishte zëvendësues i Mauro Icardit sezonin e kaluar, por me Antonio Conten në stol ai ka shpërthyer dhe ka zgjuar interesimin e shumë klubeve, përfshirë Barcelonën.

“Këshilla ime për të është që të qëndrojë në Inter, pa dyshim. Arsyeja është e thjeshtë. Ai bëri mirë në Argjentinë me Racing Avellaneda, arriti në Inter dhe ishte një zëvendësues i Mauro Icardit në sezonin e parë dhe tani është titullar i padiskutueshëm”.

“Ky është sezoni i tij i parë si një startues. Është pak për të vendosur të ndryshojë jetën e tij dhe të shkojë në Barcelona. Atij i duhen të paktën tri vite për t’u pjekur, atëherë ai mund të mendojë për ndryshimin e ekipit”, vazhdoi ai.

Lautaro, 22 vjeç, shënoi 16 gola në 31 ndeshje këtë sezon dhe performanca e tij e lartë ngjalli interesin e disa gjigantëve evropianë.

Ai ka kontratë me Interin deri në vitin 2023, me një klauzolë lirimi 111 milionë euro. /Gazeta Express/